Hydref / Gaeaf 2025

Pan Elo'r Adar
Rhiannon Mair & Steffan Phillips
17|9|2025
1:30yp | 7:30yh

Gan godi cwestiynau ynglyn â’n perthynas ni gyda byd natur ac ieithoedd lleiafrifedig fel ei gilydd, mae Pan elo’r adar yn gynhyrchiad theatr gobeithiol sy’n ein hannog i weithredu er mwyn y dyfodol.
Wedi’i gyflwyno mewn arddull gorfforol a chwareus gan yr artistiaid Rhiannon Mair a Steffan Phillips, mae’r cynhyrchiad hefyd yn cynnwys perfformiadau byw gan y cerddorion Heulwen Williams ac N'famady Kouyaté, gwaith animeiddio gan Efa Blosse-Mason a thrac sain gan Ani Glass.
Cyflwynir y gwaith gyda chefnogaeth Cyngor Celfyddydau Cymru, Theatr Cymru a phrosiect Gwreiddiau Gwyllt gan Fentrau Iaith Cymru. Diolch hefyd i Theatr Felinfach, Frân Wen a Phrifysgol De Cymru.

Canllaw oed 16+

Tocynnau

Pris - £12 | £11 | £10

Gig Al Lewis
Clwb Rygbi Llambed
19|9|2025
7:30yh

Dewch i fwynhau caneuon y canwr-gyfansoddwr toreithiog ac un o berfformwyr mwyaf poblogaidd Cymru sef Al Lewis gyda’i fand bach acwstig newydd sbon mewn noson arbennig sydd wedi ei drefnu gan Cered: Menter Iaith Ceredigion.

Ers bron i ddau ddegawd mae Al Lewis wedi ysgrifennu llu o glasuron modern a’u perfformio ar lwyfannau bach a mawr ledled Cymru a thu hwnt. Mae ei ganeuon fel 'Lle Hoffwn Fod', 'Llai na Munud' ac 'Ela Ti’n Iawn' yn glasuron modern sydd yn pontio’r cenedlaethau a chynnig rhywbeth i bawb.

Yn agor y noson fydd y canwr-gyfansoddwraig lleol Rhiannon O’Connor. Yn ferch o Bontrhydfendigaid mae Rhiannon sydd bellach yn byw yn Ffarmers wedi dod i amlygrwydd yn ddiweddar fel un o sêr Y Llais ar S4C. Gyda’i gitâr yn gwmni, mae Rhiannon a’i llais unigryw yn gigio’n rheolaidd ac mae wedi cefnogi sawl un o gewri Cymru – heno caiff hi ychwanegu Al Lewis at y rhestr hynny.

Cefnogir gan gynllun Noson Allan

Tocynnau

Pris - £15 | £10

Dathlu 50 Cylch Meithrin Talgarreg
20|9|2025
7:30yh

Dewch i ddathlu Cylch Meithrin Talgarreg yn 50 oed gyda perfformiadau gan Aled Wyn Davies, Bois y Rhedyn, Dafydd Pantrod a Ysgol Gynradd Talgarreg. 

Tocynnau

Pris - £15 | £5

Y Gêm
Ysgol Berfformio Theatr Felinfach
27|9|2025
2:00yp | 6:00yh

"Ydych chi’n barod i chwarae?"

Pan mae criw o blant yn darganfod bwrdd gêm ddirgel, maen nhw’n cael eu tynnu i fyd gwahanol.

I ddianc, rhaid iddyn nhw weithio gyda’i gilydd, datrys problemau — a wynebu’r Rhith: endid dirgel

sy’n ceisio eu cadw yno am byth.

Wrth iddyn nhw fynd yn ddyfnach i’r lefelau, a wnawn nhw ddianc rhag Y Gêm?

Tocynnau

Pris - £10 | £8 | £6

Yr Ŵyl Ddrama 2025
Theatr Felinfach a Theatr Gydweithredol Troedyrhiw
10|10|2025
7:00yh

Eisiau gwylio dramâu Newydd sbon…?

Wel, ymunwch â Theatr Troed-y-rhiw a Theatr Felinfach am ein Gŵyl Ddrama.

Chi’n cofio prosiect ‘o syniad i sgript’? Wel rydym yn falch iawn i gyhoeddi bod y dramâu bellach ar ein llyfrgell Dramâu ac rydym yn gyffrous i lwyfannu rhai o’n dramâu i chi!

Bydd hi'n noson a hanner!

‘Adar o'r Unlliw’ Gan Elain Roberts

‘Miss’ Gan Bethan Jones-Ollerton

Tocynnau

Pris - £10

Llanast!
Cwmni Theatr Bara Caws
20|11|2025
7:30yh



Cyfieithiad Gareth Miles o ‘Le Dieu du Carnage’ gan YasminaReza

2 fam, 2 dad, 2 fab × wisgi, tiwlips a ffôn = llanast!

Mae dau bâr o rieni yn cwrdd i drafod ymddygiad eu plant anystywallt - mae plentyn un ohonynt wedi brifo plentyn y llall mewn parc.

Mae’r cyfarfod yn cychwyn yn o gall, a’r pedwar yn ddigon bonheddig, ond wrth i amser fynd yn ei flaen mae ymddygiad y pedwar yn mynd yn fwy fwy plentynnaidd, a diolch i botel o Benderyn, daw’r cyfarfyddiad i ben mewn anhrefn llwyr!

Mae chwarae’n troi’n chwerw go iawnyn y ddrama ddoniol, ddeifiol hon

Canllaw Oed: 14+

Tocynnau

Pris - £15 | £14

50 Shêds o Santa Clôs 2025
19|12|2025
7:30 yh


Dewch i ddathlu'r 'dolig mewn steil yma yn Theatr Felinfach gyda 50 Shêds o Santa Clôs!

Dawnsio, joio, yfed a dathlu - fydd y noson yn siŵr o roi chi yn yr hwyliau Nadoligaidd gyda tiwns gan Rhys Taylor a'r band!
Noson ddelfrydol ar gyfer parti gwaith neu dewch a'ch teulu a ffrindiau!

Tocyn VIP: £25 (Sedd steil cabaret ar y llwyfan gan gynnwys diod croeso a gwasanaeth bwrdd)

Tocyn £18: (Sedd yn yr awditoriwm ond lle i ddawnsio yn y blaen!)

Addas ar gyfer teuluoedd!

Tocynnau

Yma yn Theatr Felinfach mae ein awditoriwm yn eistedd 242 wedi ei osod ar ffurf oledd.

Mae hyn yn cynnwys pedwar gofod hygyrch ar gyfer defnyddwyr cadeiriau olwyn.

Oriau'r Swyddfa Docynnau:
Llun i Gwener
9:30yb - 4:30yp
01570 470697

Mae gwasanaeth peiriant ateb ac e-bost ar gael tu allan i oriau agor.
Gallwch hefyd archebu tocynnau ar-lein 7 diwrnod yr wythnos.
theatrfelinfach@ceredigion.gov.uk

  • Ffôn: 01570 470697
  • Cyfeiriad: Theatr Felinfach, Dyffryn Aeron, Ceredigion, SA48 8AF
  • Cyfeiriad: Theatr Felinfach, Dyffryn Aeron, Ceredigion, SA48 8AF

Hawlfraint 2022 Theatr Felinfach